قصص اختارها الله ( اول البشرية ) حصريا على منتدى بابل

اذهب الى الأسفل

جديد قصص اختارها الله ( اول البشرية ) حصريا على منتدى بابل

مُساهمة من طرف المحترف الذهبي 7/9/2021, 8:39 pm


السلام عليكم ورحمه من الله تعالى و بركات
قصه اليوم اول قصه بشريه على الارض:
و هي قصه قابيل و هابيل ( ابني ادم ) الجزء الاول
القصه بسورة المائده من الايه ( 27 
- 32 )
القصه تبدا بالايه ( و اتلو عليهم نبأ ابني ادم بالحق )عند سماع القصه تحس انها موجهة لكل البشر مش بس لابني ادم
يا اخواني ان القران الكريم انزل للعالم ده كتاب عالمي مش للمسلمين فقط
ابطال القصه التي سنرويها اليوم هم 6 و هم اب و ام و اخوين و اختين
القصه هدفها لا تقطعو الرحم بينكم و اعرفو انفسكم
القصه فيها 6 امراض لو كانو عندك اذا انت عندك مشكله و لازم تتعالج فحضراتكم بقا تجيبو ورقة و قلم و تحطوها كل ورحده من اللي هكتبهم تشوف انتو عندكم نسبه مؤويه كام فيها لو طلعو معندكوش الامراض دي اسجدو لله شكر
كبر و حسد
بخل و طمع
عند و غضب
انت نفسك ايه؟
مطمئنه و لا طماعه و لا اماره بالسوء
يا جماعه حتى لو اكتشفتو ان عندكم النسب كتيره لازم تعالجو نفسكم و رمضان فرصه
اهم حاجه صله الرحم متنسوهاش يا اخواني خصوصا بالشهر الفضيل
القصه كما قلنا 6 اشخاص
ادم الاب اول اب بالبشريه و هو لم يلد بالجنه على فكره هو نزل الارض و عاش تجربه الابوبه
و امنا حواء اللي حبت سيدنا ادم جدا و اول وحده تعيش تجربه الامومه
الولدين قابيل الكبير و هابيل الصغير من حيث العمر
و هم الفرق بين الخير و الشر و القوة و الحكمه و الطيش و الرؤيه
و البنتين اول بنتين يعيشون مشاعر الفتاه
اول عروستين
اول بنت تعيش مشاعر الزواج

و لسه التجربه [b]الاولى
 للبشريه و اول تعامل للبشريه
القران الكريم على فكره لما يحكي قصه ميحكيهاش كامله يحكيلك مشاهد و فيها فجوات انت تترجمها عشان القران بيحترم عقلك
لكنه بيديلك المشاهد الاساسيه و يسيبلك الباقي انت تتخيله

يلا نبدا بالقصه من اول جذورها
القصه بدأت في الجنه و في خمس لقطات حصلت بالجنه
( و اذ قال ربك للملائكه اني جاعل في الارض خليفه )
انتم حاسين موقف سيدنا ادم و هو يكرم بذلك؟
و من هنا بدأ الحسد من ابليس اللي حسد ادم على خلافته للارض
دي اللقطه الاولى
اللقطه الثانيه
يقول النبي ان عند ولاده ادم و حواء قامت الرحم و تشبثت بالعرش و قالت يارب
هذا مقام العائذ بك من القطيعه
فقال الله اما ترضين ان اصل من وصلك و اقطع من قطعك
قالت رضيت يا رب
و طبعا ادم عليه السلام شاف اللقطه دي عشان يعرف الرحم مكانته ايه
و ابليس كمان شاف الموقف و حسد اكثر
و اللقطه الثالثه
( و اذ قيل للملائكه اسجدو لادم فسجدو الا ابليس )
امتنع و قال الله ما منعك
قال ابليس ( انا خير منه خلقتني من نار و خلقته من طين )
رغم ان الطين افضل من النار عشان فيه نماء و النار فيها طيش
قال ابليس ( لان اخرتني الى يوم يبعثون لاحتنكن ذريتهم الا قليلا )
يعني حشى السامع حمشيهم زي البهايم
اكدب كل حرام علاقه غلط
لغايه الان 3 امراض كبر و حسد و عند
اللقطه الرابعه شجره الخلد ( الطمع )
اللي ابليس صور لادم ان دي شجره حلود و خلاه ياكل منها
و ادم لما اكل من الشجره ادم هرب فقال له الله افرارا مني يا ادم
قال لا يا رب حيائا
و نزل ادم من الجنه و هو ندمان و بيبكي رغم ان ربنا تاب عليه
على فكره ( لا يدخل الجنه من كان في قلبه مثقال ذره من الكبر )
فقال الله لادم ( يا ادم لا تجزع من قولي لك اخرج منها فلك خلقتها و لكن انزل الى الارض و ازرع بذر التقوى فلو اشتقت اليها اعدتك اليها)
(يا ادم كنت تدخل الينا الجنه دخول الملوك على الملوك و الان تدخل الينا دخول العبيد على الملوك و ذلك احب الينا )
نزل ادم للارض و نزلت معاه حواء و بدا يشتغل و يبحث عن مؤى رغم انه بالجنه كان كل شئ متوفر له اما الارض حر و برد و لازم ياكل و يتعب
بعدها ادم محتاج حد يساعده و بدأ غريزة الولد و حبلت حواء و كانت اول بطن قابيل و اخته و ثاني بطن هابيل و اخته و بدا دور الاب هنا
و كان يحكيلهم قصته و ان ربنا كان حاططهم بالجنه و ابليس عمل كذا و ان هو عدونا و بدا الاولاد تكبر و تظهر ملامحهم
هابيل اقوى جسمانيا بس اطيب و احن قابيل هو الاكبر بس قاسي عنيف و شرير مثلا لو تقولو ده ربنا اللي خلقو بالطريقه دي و عمل جيناته قاسيه
غلط
هو اللي اختار ادم لما نزل عنده مهنتين الزراعه و الرعي قابيل ياخذ الزراعه و هابيل ياخذ الرعي ادم ربنا علمه الاسماء هابيل حابب يتلم و يجتهد على عكس قابيل
و هنا بدا هابيل يتميز على اخوه نتيجه شغله و احتكاكه هابيل من كثر شغله و سمعه لابيه اتعلم و بدا ينجح و الثاني على العكس تماما لانه كسلان
بدأ هنا قابيل يشوف هابيل اخوه يعلى و يعلى و بدأ الحسد و هنا ادم واخذ باله و بينصح فيه ركز على نفسك و اجتهد و رغم كده قابيل مكانش يسمع من اهله
كبروا الاولاد و وصلو لسن الزواج و شرع ربنا كام محدش يتزودج اخته لانهم بدايه بشريه يعني قابيل يتزوج اخت هابيل و هابيل يتزوج اخت قابيل من نفس البطن
و هنا بدا الشيطان يوسوس
و الشيطان شغلته يرى ان غير الموجود في يديك احلى من الموجود في يديك
و هنا خلى قابيل يشوف ان اخته احلى من اخت هابيل مع انه مفيش دليل على انها احلى بس هي وسوسه
و ده اللي بنشوفه الان
ان الشباب بيبصو للست بجمالها بوشها مش باخلاقها و مش بطيبتها ووفائها
ادم فكر فكره ايه الفكره نحفز قابيل بمسابقه و ايه المسابقه  دي فكره القربان
ادم قال كل واحد يقدم قربان يتعب عليه و يقدمه و ربنا اللي يحكم بالقربان اللي افضل
يلا يا قابيل قدم افضل زرع عندك
و يلا يا هابيل قدم اكبر عجل عندك كقربان
و بالوقت ده قابيل قدم اسوء زرع عنده
و هابيل قدم اسمن عجل عنده
و هنا يطلع مرض البخل و الطمع
لان قابيل عاوز يقدم اقل حاجه و ياخذ افضل حاجه
فتقبل القربان من احدهما و لم يتقبل من الاخر
و طبعا تقبل من هابيل و لم يتقبل من الاخر
و طبعا دي تفيدنا بحياتنا اليوميه
ل احنا عاوزين من ربنا حاجه يبقى نقدم لربنا حاجه
مثلا عندنا امتحانات
صلي و صوم و اقرا قران و اعمل حاجه يرضى عنها ربنا هيرفعك
فقال قابيل لاخيه ساقتلك
هو قالها مفعلهاش عشان حصل عنده غضب و اكيد ندم عليها اول مره لكنها سيطرت عليه بعد كده
و هنا قابيل صارت عنده خمس امراض لانه مش بيعالج نفسه
يا ترى ياللي بتقرا انت قابيل و لا هابيل؟

احبائي الكرام هنا انتهى الجزء الاول من القصه و انتظروني بالجزء الثاني بعون الله
لكن انا هديكم واجب تعملوه من هنا لغايه ما انزل الجزء الثاني

جاوبو على الامراض دي
هل انت متكبر؟ كم في الميه
علاجه
تواضع للفقراء وزور المساكين و اعطف عليهم
هل انت حسود؟
علاجه
ركز على نفسك
هل انت غضوب؟
علاجه
اكظم غيضك
هل انت عنيد
جوابه
قول حاضر و اسف و صالح مراتك و صديقك
هل انت طماع؟
علاجه
امنع نفسك عن ما تشتهي
هل انت بخيل
علاجه
تبرع بالاموال


تحياتي و ودي لكم احبائي
[/b]


المحترف الذهبي
نائب الادارة


السمعة : ليس لديك تحذيرات
الجنس : ذكر
المساهمات : 639
العمر : 26
السٌّمعَة : 18

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى