ام البلاد و الأمكنة

مصر العظيمة المؤمنة 
ام البلاد والامكنة 
لو مرة يوم تندهلنا 
نلبي 100 مليون مجاهد او شهيد
اليوم دا عيد
اليوم دا يوم نصر يا مصر 
اليوم دا عيد
نصر اكتوبر اخد الطار
وانا رسام
في خيالي الحرب 
وضرب النار 
ودموع بتسيل من ام شهيد 
في حقيقه بتشبه للافلام
لكني رسمت ...  
يمامة وغصن سلام
،،،
والشعر مايوصفش خيالي
وانا شايف سرب من الطيران 
بيشل قيادة العدو ويرفرف في العالي
ويبدل خوفه بالف امان
من اجل تراب مصر الغالي
نسور طايرين من كل مطار
بإشارة حرب الكود جبار 
في الضربة الجوية الاولي
200 طيارة وزادوا عشرين
وفي كل دقيقة الف بطولة
وسينا بتتحول لكمين
والعالم واقف يتفرج 
اسياد الحرب بتتخرج 
والعدو لسه في سنة اولي
،،،
الشعر مايوصفش خيالي
وانا شايف جند من الابطال
في قوارب بيعدوا قنال
وبطول الضفة الغربية
الفين مدفع بيغطيهم بالنار
واتحول لون السما  لغبار
وكتائب الصاعقة بتسبقهم 
وتاخر جيش العدو لساعات
وباعلي صوت ( الله اكبر ) 
بإيمان بتجلجل في الملكوت
،،،
وفي 6 ساعات 
فرضنا السيطرة علي الجبهة
كام الف يا ناس عبورا تأديف 
وبكل ذكاء قهروا برليف
والنص دا مش تأليف شاعر
دي قصيدة
بقلم : علاء حاتم
احتفال بنصر أكتوبر المجيد

مشكور على الموضوع الرائع

رائع احسنت النشر