فجأة حس بصداع ووجع مؤلم في راسه
مهتمش بيه .. وكان بياخد مسكنات وبيقول اكيد ارهاق شغل
لحد ما الوجع زاد عليه .. والمسكنات مابقتش جايبه نتيجه
زوجته قالتله لازم تروح تكشف وتشوف ايه سببه .. يجوز ارهاق او قلة نوم
وبعد الحاح من الزوجه .. راح لدكتور وكشف
طلب منه شوية فحوصات وتحاليل
وكانت الصدمة لما لقي ان نتيجة الاشعة والفحوصات غير مطمئنة
الدكتور قاله .. انت ازاي سايب نفسك كل ده !! وازاي قادر تتحمل الوجع
قاله خير يادكتور طمني !!
قاله المسكنات كانت بتأجل انك تيجي وتكشف .. لكن لما الموضوع اتطور جدا معاك
قاله يا دكتور خير !! انا عندي ايه
ساب القلم وبص للورقة وقاله .. انت عندك كانسر في المخ .. ولازم تعمل عملية على الفور قبل ماينتشر
كانت صدمة كبيرة جدا ليه ..
كان شقيان ليل نهار علشان يوفر كل قرش لاسرته علشان يعيشوا في حياة شبه كريمه
كان همه يأمن مستقبل ابنه الصغير اللي لا يتعدي ٤ سنين من عمره
فجأة الموت اترسم قدام عينيه .. يارب معنديش مشكلة في المرض
لكن ابني مين هايعوله !! سلمت ليك امري
وقال لمراته الفلوس اللي بحوش فيها ماتكفيش تكلفة العملية
ويجوز تفشل واموت .. انا مش هاعملها
وانتوا احق بكل قرش
مراته صرخت من البكاء وقالتله لو هانبيع هدومنا وناكل تراب .. صحتك بالدنيا
انت من بكرة هاترتاح في البيت وانا اللي هانزل ادور على شغل
لحد ماتقوم بالسلامه .. وان شاء الله هاتقوم بالسلامه
نهى كلامه معاها وقالها .. اللي رايده ربك يكون
تفوت ايام واسابيع .. ويقع في شغله
وياخدوه جري على المستشفى ...
والدكتور يقولهم ده لازم يدخل عمليات دلوقتي حالا .. وانا مش مسؤل عنه لو خرجتوه
المهم بدأت الزوجه تسأل عن تكاليف العملية وبدأت تبيع دهبها وتستلف من قرايبها
وفي وسط كل ده .. دخل ابنها فتح الحصاله بتاعته وطلع منها " جنيه " وقالها
ماما خدي اعملي لبابا العملية
انهارت الام في البكاء وحضنت ابنها جامد انه شايف وحاسس وبيقدم اللي يقدر عليه
طلعوا على المستشفى علشان تدفع جزء من فلوس العملية في الخزنة
وبدأ الدكتور يعمل شوية تحضيرات وتحاليل واشعه للعملية
واذ يفاجئ ان المخ سليم تماما وخالي من اي اورام
كل طقم الدكاترة والمساعدين والممرضين كانوا في حالة ذهول
وبصوت واحد قالوا .. " دي معجزة "
خرج الدكتور علشان يتكلم مع الزوجه .. فجريت عليه وقالتله خير يادكتور
قالها جوزك سليم تماما وفهمها كل اللي حصل ... وقالها كل اللي جوزك محتاجه شريط ريفو بجنيه من بتاع الصداع
صرخت الزوجه من الفرحه .. وطلعت الجنيه بتاع ابنها من محفظتها ودخلت صيدلية المستشفى وقالت
ربنا بيقولكم هاتوا شريط ريفو من ابو جنيه ...
نقاء القلب .. والعشم في الله .. والثقة المطلقة في تدخل الله الحاسم والسريع
قادر على نقل جبل .. قادر على اشباع جموع .. قادر على ملئ الشباك
سامحني يا الله على كل لحظة شكيت فيها بوعودك ومشيئتك وقدرتك على حل الصعاب
ولو كل الدنيا قالت مشاكلي محتاجه ملايين علشان تتحل ..
يكفيني جنيه واحد بس من الله. ....
بعد القراءه اشكر ربنا ع كل نعمه لي

مشكور على الموضوع الرائع

رائع احسنت النشر