لو كان خيراً لبقي

 

اللي راح لو كان خير ليك كان هيفضل معاك ، لو كان خيراً لبقي ،
" وإن تَعُدُّوا نِعْمَةَ الله لَا تُحْصُوهَا " ، ربنا خد منك حاجة عشان هيعوضك بالاحسن منها ، أصبر واحتسب ، وقول الحمدلله عشان " لَئِن شَكَرْتُمْ لَأَزِيدَنَّكُمْ " متخافش ربنا مُطلع وشايف الظلم اللي بيقع عليك ، ربنا مُطلع وشايف الناس اللي بتأذيك وبتغدر بيك ومتخافش حقك هيجيي " داين تدان " متزعلش علي شغل مجاش ، ع امتحان منجحتش فيه ، علي حب ضاع واتكسر قلبك ، ع فلوس اتسرقت ، علي مجهود راح ، مفيش حاجة بتروح عند ربنا هيعوضك اوي ، ربنا مُطلع علي كل أذي بيقع علينا ولكن " يمكرون ويمكر الله والله خير الماكرين " ولازم تعرف ان محدش هيعرف يأذيك الا لو ربنا أراد " وإن اجتمع اهل الأرض على أن يضروك بشيء لم يضروك إلا بشيء قد كتبه الله عليك ، رفعت الأقلام وجفت الصحف " ، قدر من ربنا انك تتأذي او تخسر شئ علشان تلجأ للي خلقك ويعوضك بأضعاف ما تتمني ، ربنا رحيم ، رحيم اوي وكريم اوي ف متخافش ، توكل علي الله وسلم أمرك لله واطمن " وإذا سألك عبادي عني فإني قريب "