جبر الخواطر

النهاردة الصبح لما العربية اللي كنت راكبها كانت ناقصة واحد

والسواق لطعنا بتاع نص ساعه عشان يطلع كامل

وبعد شوية جه راجل كبير رجله مكسوره وماشي علي عكاز وركب وطلعنا ولما السواق قال الاجرة

الراجل الكبير قال " ممعييش يا ولادي حد يدفعلي الاجرة "

الغريبة انه محدش رد عليه ولا حتي السواق

والناس لمت الاجرة والسواق بيعدها لقي فيها 13 نفار زيادة

فضحك وقال " انا القي جنيه ولا اتنين زيادة لكن 13 نفار مرة واحدة "

طلع ان كل واحد ف العربية تقريبا دفع اجرة نفر زيادة

من غير ما حد فيهم ينطق ويقول انا هدفعلك ي حج

الاحلي بعدها لما السواق عرف ان الناس كلها دفعتله

وقال " وانا يعني مليش ثواب زيكم "

وطلع الاجرة الزيادة اللي الناس دفعتها واداها للراجل الكبير

الرسول صل الله عليه وسلم قال في اللي بيستظلوا في عرش الرحمن يوم القيامة من حرارة الشمس

"ورجل تصدق بصدقة فاخفاها حتي لا تعلم شماله ما تنفقه يمينه "

"والذين في اموالهم حق للسائل والمحروم "

اللي بيطبطبوا علي قلوب الناس ربنا بيطبطب علي قلوبهم .

مشكور على الموضوع الرائع

شكرا لمرورك الطيب

تحياتى لكم بتمام العافية

رائع احسنت النشر

شكرا على الموضوع

رد: جبر الخواطر