Mahmoud Gilany
مشرف سابق- البلد :
- الجنس :
- المساهمات :
- 444
- العمر :
- 32
- السٌّمعَة :
- 4
اسد المنتدى
لقد شارك هذا العضو في أكثر من 250 مساهمة مختلفة!
مشرف سابق
لقد كان هذا العضو جزءًا من فريق العمل سابقاً!
عضو مُخضرم
هذا العضو ينتمي إلى هذا المنتدى منذ قديم الزمان!
الصوره قصادك مقلوبه
وبرغم الكلمه المكتوبه
هتدوق هتدوق ..
إكمنك طيب من جوه دايما..
مذنوق ..
حلمك ع الرف الفوقاني ..
ماتمد إيديك ..
الثانيه اللي هتزهق منك
محسوبه عليك ..
إسحبلك باسكيت وإتمني ..
إبليس إتعشم في الجنه ..
بس مطالهاش ..
كل اللي بتحلم بيه موجود
قدام ع السير
قبل أما تمد إيدك ركز
الدنيا كاشير
هيحاسبك أول ماتعد
الصوره قصادك موجوده
بس إنت تسد
فتش في جيوبك ..طلعها
هتلاقي مفيش
من كشف الأسعار قدامك
هتجيب العيش ..
هتبص الدنيا وتضحكلك ؛
وتقولك هات البقشيش ..
هتقول معاييش ..
هتبرق جامد وتكشر
هتحس ب إنك زعلان
أو فاشل جدا ومقصر
يبداء إحساسك يتكسر
زي البيتي فور ..
فتمد إيديها علي الفيشه
فيقل النور ..
الصوره قصادك مقلوبه
علي نفس الكلمه المكتوبه
لكن بالعكس ..
هيعدي العامل قدامك ويقولك فوء ..
ولإنك أصلا مخنوق هتحس العالم موبوء ..
من طعم الجرح ..
هيقولك مالك يا أخينا
قدامك ساعه بتتكلم مع رف الملح
بقلم : عمرو اللمعي
