السوشيال ميديا بقيت سبب رئيسي وفعال ف إنهاء علاقات ناس كتير أو اغلب اسباب الخلاف وانقطاع العلاقه بقيت م السوشيال ميديا اللي هي المفروض عالم افتراضي مش واقعي 
بقيت تزعل من صاحبك علشان اتاخر ف الرد عليك دقيقتين هو مش بيكلم حد ولا قاعد مع البنت لا هو يمكن مشغول ف حاجه ومش فاضي بس انت بتفتكر أنه مش عاوز يكلمك لمجرد تأخير 
بقيت تزعل من صاحبك أو صاحبتك علشان ما نزلتش بوست ليكي ف عيد ميلادك طب ما يمكن هي مش فاكره أو حبك بالنسبه ليها مش بوستات وكلام من ده 
الواحد فينا بقي يزعل من اتفه الامور علي السوشيال ميديا "تأخير ف الرد ،،كومنت ما عجبوش ،،،بوست سخيف مثلا " ودي حاجات ما ينفعش تكون مقياس للزعل بينكم لأن علاقتكم اتبنت م الاول علي واقع مش علي حاجات تافهه ف ماتخليش الميديا تأثر علي علاقتكوا مع بعضكوا وتزعلوا من أسباب تافهه جدا